LA ILLA HA ILALLAH
Ayeuna mah ayeuna lain isuk lain baheulate kudu nineng kanu tileum, ulah melang kanu can datang
LAA MAWUJUDA ILLA ALLOH
Der pigawe cing hade
lain diditu lain didinya, tapi didieu
LAA MA'BUDA ILLA ALLOH
Naon nu diteang, saha nu dituju
ulah kamana mana ulah kasasaha
LAA MAKSUDA ILLA ALLOH
Abdi ayeuna didie kieu LAA ILAHA ILLA ALLOH
KARUMASA
: Sungsian…..! *)Kuring teu keur nyieun pitapak
Satemenna
Ieu kuring
Purnama nu tuna cahaya
Geus ngiwat kalangkang giwangkara
Sangkan peuting teu hideung teuing
Jeung sulintang boga batur keueung
Jeung walungan teu leungiteun kamalir
Jeung anjeun laksana ngarampa karadak
Hirup kuring.
SAJAK WADUL
Laju wadul
Saban tas ngawadul
Murudul wadul
Tuluy tumuluy
Silih ungkulan wadul jeung wadul
Jangji wadul, sumpah wadul, kasaksian wadul
murudul nutupan sajatining wadul
NU JARADI KORBAN **)
réa nu geus jaradi korban
kasawenangan kakawasaan
teu saeutik nu jaradi korban
katelengesan kasarakahan
nu leutik pating jarerit
nu héngkér pating kocéak
leungiteun
leungeun puntangeun
leungiteun
suku tuturkeuneun
saha nu baris jadi korban
LALAKON
- Puisi |
- Puisi Religi |
- Puisi Sunda |
- Sajak Sunda |
- Sastra Sunda |
- Sunda
nu ngabarak dina saban padalisan mangsa
sawilet
sawilet
ngalakay nedunan papastēn
mumbul ka alak paul, ngēlēk nasib sēwang-sēwang
muru tungtung waktu nu can tēmbong bungkeuleukna
lambaran catetan nu karahaan
nu nembrak, nu nyamuni, nu nyaliwang
ririaban diayun ambing angin wanci
pirang-pirang lalakon
pirang-pirang papagon
pirang-pirang papalayon
pirang-pirang guguyon
pirang-pirang cipanon
pirang-pirang tandon
pirang-pirang layon
pating kalayang luhureun palalangon implengan
ngawang-ngawang ngajomantara di mēga malang
jadi reueuk, jadi angkeub, jadi girimis,
ngepriskeun karumasa kana sarakan rasa nu lawas saat
ras kana tangtungan nu wawayagon
ras kana kurungan nu teu pageuh tetekon
ras kana udagan nu mingkin jauh tina tatapakan
ras kana itungan nu teuing geus tepi ka mana teuing kari sakumaha.
kaégoisan
kamunapékan
kateudayaan
kateusurtian
kabalangahan
saha nu baris mawa korban
Tidak ada komentar:
Posting Komentar